सेतीको बाढीमा ज्यान गुमाउनेको संख्या १७ पुग्यो ४७ बेपत्ता
पोखरा , वैशाख २४ - माच्छापुछ्रे हिमालको फेदीमा गएको पहिरोका कारण सेती नदीमा आएको बाढीका कारण बेपत्ता हुनेको संख्या ४७ पुगेको छ । हालसम्म बाढीमा परेर ज्यान गुमाउनेको संख्या १७ पुगेको छ । उनीहरुमध्ये १२ जनाको सनाखत पछि आफन्तले अन्तिम संस्कारकालागि बुझीसकेका छन । अन्य शव क्षेत्रीय अस्पतालमा राखिएको प्रहरी निरीक्षक रबिन्द्र पौडेलले बताए ।
प्रहरीले आफन्त हराएको भन्दै सम्पर्कमा आएको विवरण अनुसार बेपत्ताको संख्या सार्वजनिक गरेको हो । बेपत्तामा तीन युक्रेनका पर्यटकसहित छन ।
यसैगरी सार्दीखोला, ७ खारापानीमा ढुंगाले छाएका ४ घर १६ टहरा, २ मन्दिर र ३ झोलुंगे पुल बगाएको प्रहरीले जनाएको छ । यस्तै ७ वटा ट्याक्टर, ३ वटा मिनीट्रक, एक ठूलो ट्रक, एक मोटरसाईकल ५२ खसी बाख्रा र ७ गाईभैसी बगाएको छ ।
प्रभावित क्षेत्रमा नेपाल प्रहरीको उद्धार कुकुर काठमाडौंबाट झिकाएर परिचालन गरिएको छ । बाढी प्रभावित क्षेत्रमा नेपाली सेनाका १ सय ३८, सशस्त्र प्रहरीका २ सय १४ र नेपाल प्रहरीका १ सय ८५ सुरक्षाकर्मी परिचालिन छन् ।
समाचार कांतिपुर दैनिक बाट
Posted by Butwalonline
on 5:38 PM. Filed under
