आज गणतन्त्र दिवस,सरकारको औपचारिक कार्यक्रममा मात्रै दिवस सीमित
काठमाडौ, जेठ १५ – देशमा गणतन्त्र घोषणा भएको पाँच वर्ष पूरा भएको छ ।
संविधान घोषणा नगरी संविधानसभा विघटन भएको कारण गणतन्त्र दिवसको उल्लास
चाहिं त्यति छैन । सरकारको औपचारिक कार्यक्रममा मात्रै दिवस सीमित हुने
भएको छ ।
दिवसको अवसरमा सोमबार विहान काठमाडौको सैनिक मञ्च टुंडिखेलमा विशेष
कार्यक्रम भएको छ । कार्यक्रममा राष्ट्रपति, उपराष्ट्रपति, प्रधानमन्त्री,
प्रधानन्यायाधिस लगायतको उपस्थिति छ । अरु राजनीतिक दलका नेताहरु भने
समारोहमा उपस्थित भएका छैनन् ।
सरकारले राष्ट्रिय दिवसको रुपमा घोषणा गरेको समारोह निकै खल्लो देखिएको छ ।
समारोहमा उपस्थित भएकाहरुको अनुहार भावुक र मलिन देखिन्थ्यो । कार्यक्रममा
विकास निर्माणका गतिबिधि झल्कने झाँकी तथा कवाज प्रदर्शन भएको छ ।
कार्यक्रममा कलाकारहरुले संविधान नबनेको अवस्थालाई गीतको माध्यमबाट
प्रस्तुत गरेका छन् । राष्ट्रपति, प्रधानमन्त्री अघिल्तिर उनीहरुले गीतको
माध्यमबाट भने ‘भुईंको टिप्न खोज्दा पोल्टाको पोखियो, नेपाल आमा हाँसेको
देख्न पाउँ आउने दिनैमा ।’
समाचार उज्यालो नेटवर्क बाट
Posted by Butwalonline
on 8:02 AM. Filed under
