एल.जि.एफ को सहयोगमा बासद्धारा सार्बजनिक सुनुवाई सम्पन्न
स्थानीय उत्तरदायी संयञ्त्र (एल.जि.एफ) को सहयोगमा बासद्धारा संचालित सार्वजनिक सुनुवाई तथा प्रतिबद्धता कार्यन्वयन कार्यक्रमको आयोजनामा आज राधपुर गा.बि.स.को बहादुरपुरमा सम्पन्न गा.बि.स.ले प्रदान गर्ने सेवा र सुबिधाको प्रभाबकारिता बिषयक सार्बजनिक सुनुवाईमा सो प्रतिबद्धता जनाईएको हो ।
कार्यक्रममा गा.बि.स. सचिब सुमनराज भट्ट लगाएतका सरोकारवालाहरुले गा.बि.स.मा सेवा लिन आएकै दिन सेवा दिने र सेवा दिन नसकिए नसकिएको कारण सेवाग्राहीलाई भन्ने बचनबद्धता पनि प्रकट गरे । १०० बढि स्थानीयबासीहरुका सामु सुनुवाईका सरोकारवालाहरुले थप अन्य प्रतिबद्धता पनि जनाए । उनीहरुले प्रभाबकारी सुचना पार्टीको तत्काल ब्यबस्था गर्ने, जनता प्रति उत्तरदायी बनाउने, कार्यालयमा कर्मचारीको उपस्थितीलाई अनिबार्य बनाउने, गा.बि.स.मा हेल्प डेस्कको स्थापना गर्ने, एक जना कर्मचारीलाई असक्त र लेखपढ गर्न नजान्नेलाई सहयोग गर्नका लागि एक जना कर्मचारीलाई फोकल पर्सनको रुपमा तोक्ने र गा.बि.स.बाट प्रदान गरिने सेवा र सुबिधालाई थप प्रभाबकारी बनाउने प्रतिबद्धता समेत जनाए ।
बासका निर्देशक नमस्कार शाहले स्वागत तथा उद्धेश्य माथि प्रकाश पारेको कार्यक्रममा एलजिएफका श्रीधर सुबेदीले मन्तब्य ब्यक्त गरेका थिए । बासका कार्यबाहक अध्यक्ष सुरेन्द्र बहादुर शाहीले समापन गरेको कार्यक्रममा सहभागि भएका स्थानीयहरुले सरोकारवालाहरुलाई दर्जनौं प्रश्न गरेका थिए । सो कार्यक्रमको प्रत्यक्ष प्रशारण स्थानीय बागेश्वरी एफ.एम.ले गरेको थियो ।
Posted by Butwalonline
on 8:07 AM. Filed under
