तीन महिनामा साढे दुई करोड नाफा
प्रकाश डोटेल
स्याङ्जा–६, कार्तिक ।
मुक्तिनाथ विकास बैंकले आर्थिक वर्ष २०६८/०६९ को पहिलो तीन महिनामा दुई करोड ४० लाख सञ्चालन मुनाफा आर्जन गरेको छ । बैंकले एक अर्ब ९५ करोड निक्षेप संकलन गरी एक अर्ब ७८ करोड लगानी गर्दै तीन महिनाको अवधिमा उक्त मुनाफा आर्जन गर्न सफल भएको हो ।
तीन जिल्लामा कारोबार संचालन गरेको बैंकिङ्ग र लघुवित्तका ३५ शाखा मार्फत झण्डै ५० हजार सर्वसाधरणलाई बैकिङ्ग सञ्जालमा आवद्ध गराएको छ । बैंकले आफ्नो शाखा विस्तारको क्रमलाई समेत अगाडि बढाउने बताएको छ ।
एक घर एक सफल व्यवसायी, एक सफल व्यवसायी एक खाता भन्ने अबधारणा र जनता बैंकमा होइन्, बैंक जनताकहाँ जानुपर्छ भन्ने नारासहित बैंकले पोखरास्थित पृथ्वीचोकमा केन्द्रिय कार्यालय स्थापना गरी आर्थिक कारोबार सञ्चालन गर्दै आएको छ ।
बैंक यसै सातादेखि नेपाल स्टक एक्सचेन्ज (नेप्से)मा साधारण शेयर कारोबारका लागि सूचीकृत भएको छ । बैंकको २० लाख कित्ता साधारण शेयर कारोबारका लागि सूचीकृत भएको हो ।
बैंकले स्याङ्जा, कास्की र तनहुँ गरी तीन जिल्लामा १२ वटा बैंकिङ्ग शाखा मार्फत सेवा सञ्चालन गर्दै आएको बैंकका प्रमुख कार्यकारी अधिकृत भरतराज ढकालले बताएका छन् । स्थानीय समाजसेवी र उद्योगी व्यवसायीहरुको सामुहिक पहलमा २०६३ सालमा स्याङ्जा सदरमुकाममा स्थापना भएको बैंकले लघुवित्त कार्यक्रम समेत संचालन गरेको छ ।
Posted by Butwalonline
on 7:51 AM. Filed under
Local News
.
You can follow any responses to this entry through the RSS 2.0.
Feel free to leave a response
