माईक्रोवस र ट्याङकरले चेपेर मोटरसाईकल चालकको मृत्यु

धादिङ, आश्विन २१ - धादिङ जिल्लामा पर्ने पृथ्वीराजमार्गको महादेबबेसीमा शनिवार विहान ९ः३० बजेतिर भएको दुर्घटनामा एक जनाको मृत्यु भएको छ । गोरखाबाट काठमाण्डौ तर्फ जांदै गरेको बा २५ प ९२३३ नम्बरको मोटरसाईकललाई नारायणगढबाट काठमाण्डौ तर्फ जांदै गरेकोे वा २ ख २९४५ नम्बरको माईक्रोवस र काठमाण्डौबाट अमलेखगन्जतर्फ जांदै गरेको ना २ ख १५६५ नम्बरको ट्याङकरले चेपेको थियो । मोटरसाईकल चालक गोरखा जिल्ला आरुघाट स्थायी घर भई हाल काठमाण्डौ महानगरपालिका वडा नम्बर १४ वाफल बस्ने ४५ वर्षीय रेशमलाल श्रेष्ठको मृत्यु भएको हो । दुई वटा सवारी साधन एक आपसमा ठोक्किने क्रममा बिचमा मोटरसाइकल चेपिन जांदा श्रेष्ठ घाइते भएका थिए । घाइते श्रेष्ठलाई उपचारका लागि ललितपुर ग्वार्कोमा रहेको बि एण्ड बि अस्पताल लैजांदै गर्दा बाटौमानै मृत्यु भएको प्रहरीले जनाएको छ ।
 स्रोत :कान्तिपुर न्युज  

सम्बन्धित शीर्षकहरु: News

Posted by Butwalonline on 8:25 AM. Filed under News . You can follow any responses to this entry through the RSS 2.0. Feel free to leave a response