जीप दुर्घटना हुँदा ११ जना को
म्याग्दी, आश्विन १ - म्याग्दीको बाबियाचौर–८ रनबाङ खहरेखोलाको उकालीमा आइतबार जिप दुर्घटना हुँदा मृत्यु हुनेको संख्या ११ पुगेको छ । ७ जनाको घटनास्थलमै र बाँकीको उपचारकाक्रममा मृत्यु भएको हो । ६ जना गम्भीर घाइते भएका छन् ।
मृत्यु भएकामध्ये अहिलेसम्म सहचालक म्याग्दी पुलाचौर निवासी रुपेश रामदामको मात्र सनाखत भएको छ । अन्यको सनाखत हुन बाँकी रहेको जिल्ला प्रहरी कार्यालयले जनाएको छ ।
बाबियाचौर–५ लाम्पाटादेखि दरबाङतर्फ जाँदै गरेको ग १ ख २७०४ नम्वरको जिप सडकबाट करिब ३ सय मिटर तल भिरालो पाखोमा खसेको थियो ।
मृतक तथा घाइतेको जिल्ला प्रहरी कार्यालय म्याग्दी, इलाका प्रहरी कार्यालय दरबाङ र अस्थायी प्रहरी पोष्ट बाबियाचौरका प्रहरी र स्थानीयवासीले उद्धार गरेका छन् ।
पहिरोले बाटो साँघुरो भएकाले जीप चिप्लिएर खसेको सकुशल रहेका चालकले प्रहरीसँग बताएका छन् ।
स्रोत : कान्तिपुर न्युज
Posted by Butwalonline
on 12:42 PM. Filed under
