दाजुको हत्या गर्ने भाइको पनि मृत्यु
खगेन्द्र अधिकारी, ताप्लेजुङ साउन २१ - साना नानीका निहुँमा सुरु भएको बिबादले उग्र रुप लिदा दाजुको हत्या गर्ने भाइको पनि मृत्यु भएको छ। उनलाई प्रहरीले घाइते अवस्थामा पक्राउ गरेको थियो। ताप्लेजुङको सांवा ९ बस्ने बस्ने ५६ बर्षका चन्द्रमहावीर साँवा ( लिम्बु )लाई बञ्चरो प्रहार गर्ने काकाका छोरा ४७ बर्षीय भाइ मनकुमार साँवाको पनि उपचार गर्न जिल्ला अस्पताल ल्याउने क्रममा मृत्यु भएको हो। जिल्ला अस्पताल ताप्लेजुङका प्रमुख डाक्टर रेमकुमार राईले अस्पताल ल्याई पुर्याउनु अघि नै उनको मृत्यु भएको हुन सक्ने बताए। उनले उपचारका लागि एम्बुलेन्सबाट झारी सक्दा नै उनको मृत्यु भै सकेको थियो। हत्या भएका चन्द्रमहावीरको शव जिल्ला अस्पतालको शव गृहमा रहेको छ भने अपचारका क्रममा मृतक घोषित गरिएका मनकुमारको शव भने प्रहरी माताहातमा रहेको पनि डाक्टर राईले जानकारी दिए। केटाकेटीको पिङ खेल्ने निहुंमा बिहीबार रातिभाइ मनकुमारले दाजु चन्द्रमहावीरलाई बञ्चरो प्रहार गरी हत्या गरेको प्रहरीले जनाएको छ। प्रहरीले घटनाका बारेमा अनुसन्धान चलिरहेकोले पछि मात्र थप विवरण बताउने जनाएको छ।
साभार :नागरिक न्यूज
साभार :नागरिक न्यूज
Posted by Butwalonline
on 7:58 AM. Filed under
