बस दुर्घटनामा दुईजनाको मृत्यु २२ जना घाइते
लहान (सिरहा), अषाढ २३ - धरानबाट गाईघाट जाँदै गरेको वस कदमाहा-गाइघाट सडकखण्ड अन्तर्गत उदयपुरको लालपतामा बिहीबार अपरान्ह पल्टिदा वसका कन्डक्टर र खलासीको मृत्यु भएको छ ।
२२ यात्रु घाइते छन् । तीन जनाको अवस्था गम्भीर छ । वडा प्रहरी कार्यालय लहानका प्रहरी निरीक्षक लालध्वज सुवेदीका अनुसार धरानबाट गाईघाट जादै गरेको ना ३ ख ९०१८ नम्वरको हरि ॐ ट्राभल्स वस कदमाहा गाईघाट सडक खण्ड अन्तर्गत त्रियुगानगरपालिका ११ लालपतामा अपरान्ह पल्टिदा सप्तरी रायपुर-८ का वस कण्डक्टर अर्जुन साहको घटनास्थलमैं मृत्यु भएको हो । अर्का मृतक खलासीको नाम पहिचान हुन सकेको छैन ।
सडक बाटो पार गरिरहेको बाख्रालाई बचाउने क्रममा वस दुर्घटना भएको प्रहरीले जनाएको छ । दुर्घटनामा घाइते भएका उदयपुर भलायडाडा ८ का रित वहादुर मगर, गिता मगर, कमला भट्टराई लगायत २२ जनाको लहानस्थित नर्सिङ्ग होममा उपचार भइरहेको छ ।
गम्भीर घाइते कस्मित चौधरी, राम नारायण यादव र जिलर साहलाई उपचारका लागि बिराटनगर लगिएको प्रहरीले जनाएको छ ।
Source:Kantipurnews
Posted by Butwalonline
on 4:56 PM. Filed under
