जिप दुर्घटनामा दुईको मृत्यु ११ घाइते
गुल्मी, श्रावण ३ - गुल्मीको वामीटक्सारबाट रिडी तर्फ आउँदै गरेको जिप आँपचौर गाविस-३ झक्कले भन्ने स्थानमा दुर्घटना हुँदा २ जनाको घटनास्थलमै मृत्यु भएको छ ।
केहीबेर अघि भएको लु १ ज १६९४ नम्बरको जिप दुर्घटनामा गुल्मीकै कुर्घा गाविस भुवाचिदी बजारका सुब्बा रायमाझी र अर्का एक यात्रुको मृत्यु भएको छ । घटनामा ११ जना घाइते भएका छन् । घाइते मध्य चार जनाको अवस्था गंम्भीर रहेको आँपचौर सुचना केन्द्रका अध्यक्ष रुद्रराज खरेलले जानकारी दिएका छन् ।
घटनास्थलमा मजुवा अस्थायी प्रहरी चौकीका प्रहरी र स्थानीय बासिन्दाले उद्धार गरिरहेका छन् । सडकबाट झण्डै ३० मिटर तल बडीघाट खोलाको किनारमा खसेको जिप दुर्घटनाको कारण र थप विवरण आउन बाँकी छ । घाइतेहरुलाई रुद्रावती अस्पताल मजुवामा पठाउने तयारी भैरहेको प्रहरीले जनाएको छ ।
Source:KantipurNews
Posted by Butwalonline
on 1:32 PM. Filed under
