धेरै हट भएपछि ‘मडर २’ को गीत रिशुट
मल्लिका शेरावत र इमरान हाशमीको जोडी ‘मडर’ फिल्ममा निकै जमेको थियो । फलस्वरुप भारतीय बक्स अफिसमा उक्त फिल्म निकै हिट पनि भयो । यसबाट हौसिएका निर्माताले यसै फिल्मको अर्को सिक्वेल अर्थात ‘मडर २’ मात्र बनाएनन्, अझ हट देखाउने कोशिस पनि गरे । आइटम डान्सको लहर चलेको बलिउडमा त्यसैको सिको गर्दै फिल्मको ‘हाले दिल…’ नामक गीत हट सिनमा सुट गरिएको थियो । तर धेरैको सुझावमा यो सिन दर्शकलाईर् अपच हुने प्रतिक्रिया आएपछि पुनः छायाङ्कन गरिएको भारतीय मिडियाहरुले जनाएका छन् ।
फिल्म रिलिज हुने बेला टेलिभिजनमार्फत लाखौ दर्शकसामू उक्त गितको भिडियो देखाउन सकियोस् भनेर रिशुट गरिएको निर्माताले बताए । गीतमा इमरान र ज्याकलिन फर्नान्डिजलाई देख्न सकिनेछ । रिशुटबारे सोधिएको प्रश्नको जवाफमा महेश भट्टले भने, ‘हामीले पुरै गीत रिशुट गरेका छैनौ । सेन्सर बोर्डलाई मध्यनजर गरी केहि दुश्यहरु पुनः छायाङ्कन गरेका हौ ।’
यसै फिल्मका निर्देशक मोहित सुरीले भने रिशुट नगरिएको र गीतको बोल्डनेसमा कुनै कमी नआएको बताएका छन् । ‘गीत जती हट थियो, त्यसमा कुनै कमी ल्याइएको छैन,’ मोहितले भने, ‘दर्शकले हेरेर भन्न सक्छन् कि गीत हट छ कि छैन भनेर ।’ मोहितले आखिर जे भने पनि यो सत्य हो कि केहि पाउन केहि गुमाउनु पर्छ । टेलिभिजन दर्शक पाउन र फिल्मको प्रोमोसनका लागि केहि दृश्य रिशुट गर्नु परेको थियो । सेन्सर बोर्डबाट बिना काटछाट ‘ए’ सर्टिफिकेट पाइसकेको यो फिल्म चाँडै प्रर्दशन हुनेछ ।
Source:Onlinekhabar
Posted by Butwalonline
on 7:39 AM. Filed under
