लुटेराको आक्रमणबाट ६ घाइते, लाखौंको धनमाल लुट
महेन्द्रनगर , जेष्ठ २३ - कञ्चनपुरको भिमदत्त नगरपालिका - १४ मा पर्ने बनकट्टी गाउको महाकाली टोलका ८ घरमा आइतबार राति हतियारधारी लुटेरा समूहले १ लाख ४ हजार नगद र ४० तोला सुनका गहना समेत लाखौ मुल्य मुल्य बरावरको धनमाल लुटपाट गरेका छन् ।
मध्यराति १ बजे तिरको उक्त घटनामा १५/२० जनाको संख्यामा, पेस्तोल ,सकेट बम, बञ्चरो, खुकुरी लगायतका हतियार लिएर आएका लुटेराहरुलाई प्रतिकार गर्न खोज्दा लुटेराको आक्रमणमा परि १ महिला सहित ५ जना घाइते भए । घाइतेहरुमा ६७ वर्षीय चक्रप्रसाद जोशी , ५५ वर्षीया नारायणी देवी खाती, ३० बर्षका अग्निराज जोशी, २० वर्षीय सन्तोष खाती र १८ बर्षका हृदय खाती छन् । टाउकोमा बञ्चरो प्रहार गरी गम्भीर अवस्थाका घाइते अग्नि जोशीलाइ थप उपचारका लागि आज बिहानै कोहलपुर मेडिकल कलेज रिफर गरिएकोछ भने वांकीको यहा महाकाली अञ्चल अस्पतलामा उपचार भइरहेकोछ ।
लुटेराहरुले करिव डेढ घण्टा सम्म महाकाली टोलका ८ घरमा पसेर घरमा रहेका महिला पुरुष सवैलाइ नियन्त्रमा लिइ नगद र गहना लुटेको उक्त टोलवासी प्रेम बहादुर खातीले बताए । लुटेराहरुले महिलाहरुले लगाएका गहना समेत लुछेर लगेकाछन् । 'मेरो दुवै कानका मुन्दि्र लगे रोक्न खोज्दा गालामा चोट लाग्यो' अस्पतालमा उपचार गराइरहेकि नारायणी खातीले भनिन् । टिनको बट्टा प्रयोग गरि बनाएका बम पडकाएर लुटेराहरुले पुरै बस्ती आतंकित पारेको उनले बताए । सन्तोष खातीको घरमा बम पडकाउदा उनको खुटृामा बमको छर्रा पसेर घाइते भएका हुन् ।
घटनास्थलमा राइफलको खोका समेत फेला परेको प्रतक्ष्यदर्शीहरुले बताए ।
'दुवई बाट हिजो मात्रै छोरा उमाकान्तले पठाएको ५० हजार पनि लुटि लगे , घरमा रहेको गहना केहि बांकी रहेन्' घटनाका घाइते चक्र प्रसाद जोशीले भने ।
जिल्ला प्रहरी कार्यालयका डिएसपी बहादुर जंग मल्लका अनुसार घटनास्थल पुगेको प्रहरीलाइ पिडित परिवारले दिएको जानकारी अनुसार लुटेराहरुले ३६ तोला सुन, १ लाख ४ हजार नगद, ५ थान मोवाइल र १ थान डिजिटल क्यामरा लुटेका छन् । 'लुटेराको खोजीका लागी प्रहरी परिचालन गरिएकोछ , कैलाली प्रहरी संग पनि समन्वय गरि व्यापक रुपमा घटनाको अनुसन्धान र लुटेराको खोजी भइरहेको' उनले जानकारी दिए । घटनाका प्रतक्ष्यदर्शीहरुका अनुसार लुटेराहरुले गम्छाले मुख छोपेका थिए । उनीहरु मधेशी र थारु भाषा बोलिरहेको प्रेम खातीले बताए । प्रहरीका अनुसार विगतका बर्षमा कञ्चनपुरका बिभिन्न ठाउमा भएका लुटपाटका घटना संगै यो घटनाको प्रकृति पनि मिल्दोजुल्दो रहेकोछ । उक्त घटना पछि महाकाली किनार पुरै वस्तीमा त्रास छाएकोछ । बनकट्टीको महाकाली टोलका बासिनदा आतंकित बनेको घाइतेहरुको उपचारमा संलग्न खातीले बताए ।
Source:KantipurNews
Posted by Butwalonline
on 7:39 AM. Filed under
