टुवोर्ग कप भलिबल प्रतियोगिता सुरु
रुद्रपुर, बैशाख २ । लाली गुराँस युवा क्वल रुद्रपुरको आयोजनामा सोमबार देखि टुवोर्ग कप भलिबल प्रतियोगिता सुरु भएको छ । क्लवको ११ औं बार्षिक उत्सवको अवसर पारेर आयोजना गरिएको सो प्रतियोगितामा रुपन्देहीका १९ टिमहरुको सहभागिता रहेको क्लवका अध्यक्ष राम बहादुर थापाले बताए ।
बैशाख ६ गते सम्म सञ्चालन हुने प्रतियोगितामा प्रथम हुनेले २० हजार, द्धितियले १५ हजार, तृतियले १० हजार तथा सान्त्वना हुनेले ५ हजार सहित कप मेडल तथा प्रमाण पत्र प्राप्त गर्ने आयोजकले बताएको छ । त्यस्तै सोमबार भएको उद्घाटन खेलमा रिभरसाईड युवा क्लव रुद्रपुरले विजयी सुरुवात गरेको छ । उसले जनसेवा युवा क्लव मानपकडीलाई हराउदै अघिल्लो चरणको यात्रा तय गरेको हो । त्यस्तै दोस्रो खेलमा बुटवल बहुमुखी क्याम्पसले रुद्रपुर उच्च माविलाई हराउदै आफ्नो यात्रा सुखद बनाएको छ । त्यस्तै सोमबार भएको अन्तिम खेलमा आयोजक लाली गुराँस युवा क्लव ‘निलो’लाई हराउदै मुर्गिया स्पोर्टस क्लब विजयी भएको छ ।
Posted by Butwalonline
on 8:03 PM. Filed under
