उखु बारीमा हत्या गरेको अवस्थामा एक बालिकाको शव फेला
धनुषा,चैत ६ -धनुषाको नक्टाझिजमा रहेको उखु बारीमा हत्या गरेको अवस्थामा गएराती एक बालिकाको शव फेला पेको छ । नक्टाझिज १ का श्यामलाल महतोको उखु बारीमा अन्दाजी ७ बर्षकी बालिकाको आधा जलेको शव फेला पेको हो ।
मृतक बालिकाको परिचय खुल्न सकेको छैन् । राती ८ बजे आफ्नो उखु बारीमा अचानक आगलागि भएपछि आगो निभाउन गएका श्यामलाल महतोले बलिरहेको आगोमा बालिकाको शव देखेपछि प्रहरीलाई खवर गर्नु भएको थियो । उखुको पत्करभित्र दाउरामाथि बालिकाको शव राखेर आगो लगाएको पाइएको धनुषाका प्रहरी उपरिक्षक बसन्तकुमार पन्तले जानकारी दिनु भयो ।
अन्तै बालिको हत्या गरेर उखु बारीमा ल्याएर शव जलाउन खोजेको आशंका प्रहरीले गरेको छ । बालिकाको शव पोष्ट मार्टमको लागि अञ्चल अस्पताल जनकपुर लगिएको छ । घटनाको अनुसन्धान शुरु गएकिो पन्तले जानकारी दिनु भयो ।स्रोत : ओनलाइन खबर
Posted by Butwalonline
on 6:39 AM. Filed under
