जारी खेल प्रतियोगितामा विभिन्न प्रतिस्पर्धा
बुटवल, माघ, १६–सहिद दिवशको अवसर पारेर बुटवल उजिरसिंह नगरस्थित मेरीगोल्ड बोर्डिङ स्कुलको आयोजनामा जारी खेल सप्ताह अन्तरगत मंगलवार विभिन्न प्रतिस्पर्धाहरु भएका छन् ।
प्रतियोगितात्मक खेलहरुमा विभिन्न समुहका विद्यार्थीहरुको सहभागिता रहेको थियो । जस अन्तरगत तातो आलु खेलमा सवजुनियरमा सन्देह नेपाली प्रथम, सिता थापा दोस्रो र इना डङगोरिया तेस्रो भएका छन् भने एलकेजी समुहमा सन्दीप चौधरी, आरती विक र इरफान अलि क्रमश: प्रथम, दोस्रो र तेस्रो भएका थिए । सोही खेलको यु केजी समुहमा सुस्मीता पल्ली प्रथम, सेवा श्रेष्ठ दोस्रो र किसन कशौधन तेस्रो भएका विद्यालयका प्राचार्य हेम थापाले बताउनु भयो । जुनियरतर्फ कुर्सी दौड र हाजिरि जवाफ प्रतियोगिता सम्पन्न भएका छन् । जसमा कुर्सी दौडमा जीवन पाण्डे प्रथम, सुमन विक दोस्रो र नसिम खड्का तेस्रो भएका छन् भने हाजिरि जवाफमा श्रृष्टि थापा प्रथम, रञ्जिता भूजेल दोस्रो र जिवन पाण्डे तेस्रो भएका थिए ।
यता सिनियरतर्फको गणितिय दौडमा मनिषा पाण्डे, कृतिशा श्रेष्ठ र विशाल गहतराज क्रमश: प्रथम, दोस्रो र तेस्रो भए भने वादविवादमा विनोद शाही प्रथम, श्रिया श्रेष्ठ दोस्रो् तथा सुगम शाक्य तेस्रो भएका थिए । सहीद सप्ताहको अवसर पारेर आयोजना गरिएको खेल सप्ताह अन्तर्गत भलिवल, वक्तृत्वकला, बादबिवाद, हाजिरीजवाफ, ब्याडमिन्टन, निवन्ध लेखन, तातो आलु, बेलुन दौड, बल एण्ड बास्केट, बाँदर दौड, चक्लेट दौड, चित्रकलालगायतका प्रतियोगिताहरु गराइने विद्यालयका विद्यालयका प्राचार्य थापाले बताउनु भयो । खेल सप्ताह माघ १९ सम्म चल्ने छ ।
Posted by Butwalonline
on 12:22 AM. Filed under
Local News,
Sport
.
You can follow any responses to this entry through the RSS 2.0.
Feel free to leave a response
