उत्तर कोरियासँग अमेरिकासम्म रकेट प्रहार गर्न सक्ने क्षमता

एजेन्सी, पौष ८ । दक्षिण कोरियाले उत्तर कोरियाले हालै गरेको रकेट प्रक्षेपणले उसँग १० हजार किलोमिटरसम्मको दूरीमा मार हान्ने रकेट क्षमता रहेको दाबी गरेको छ । दक्षिण कोरियाका अधिकारीहरुले यस्तो मार हान्ने क्षमताले उत्तर कोरियाले पश्चिमा मुलुक र अमेरिकासम्म रकेट प्रहार गर्न सक्ने देखाएको जनाएका छन् ।

विज्ञहरुले उत्तर कोरियाले एक वर्ष भित्रै मिसायलमा परमाणु वम प्रयोग गर्ने क्षमता विकसित गर्ने विश्वास समेत गरेका छन् ।
उत्तर कोरियाले अन्तर्राष्ट्रिय नाकाबन्दी र चेतावनीका बाबजुद गत १२ डिसेम्बरमा उन्हा–३ नामक रकेटको सफल प्रक्षेपण गरेको थियो ।आफ्नो रकेट प्रक्षेपण अन्तरिक्ष कार्यक्रमका लागि भएको उत्तर कोरियाको दाबी थियो ।स्रोत : ईमेज  च्यानल