मोटरसाइकलको ठक्करबाट एकजनाको मृत्यु
नुवाकोट, पौष ११ । मोटरसाइकलको ठक्करबाट बुधबार बिहान नुवाकोटमा एकजनाको मृत्यु भएको छ । बा १० प ८२५१ नम्बरको मोटरसाइकलले विदुर नगरपालिका–४ बट्टारमा ठक्कर दिँदा सोही वडाका ३२ वर्षीय विक्रम कुमालको मृत्यु भएको जनाइएको छ ।
मोटरसाइकलको ठक्करबाट गम्भीर घाइते भएका कुमालको जिल्ला अस्पताल त्रिशूलीमा उपचारको क्रममा मृत्यु भएको जिल्ला प्रहरी कार्यालयले जनाएको छ ।
दुर्घटनामा मोटरसाइकलचालक विदुर नगरपालिका–८ का दीपक तामाङ पनि घाइते भएका छन् । उनको जिल्ला अस्पताल त्रिशूलीमा उपचार भइरहेको छ । बाक्लो हुस्सु र तीव्र गतिका कारण दुर्घटना भएको प्रहरीले जनाएको छ |स्रोत : ईमेज च्यानल
Posted by Butwalonline
on 7:31 AM. Filed under
National News,
News
.
You can follow any responses to this entry through the RSS 2.0.
Feel free to leave a response
