नेपाली चेली पुष्पा बस्नेत यस बर्षको सीएनएन हिरो घोषित(भिडियो सहित )

काठमाडौं,मंसिर १८ ।  नेपाली चेली पुष्पा बस्नेत यस बर्षको सीएनएन हिरो हुनुभएको छ । उहांलाई आज अमेरिकी संचार माध्यम सीएनएनले प्रत्यक्ष प्रसारण कार्यक्रममार्फत सन् २०१२ को सीएनएन हिरो घोषणा गरेको हो । नेपालका विभिन्न कारागारमा कैदी बन्दीको जीवन विताईरहेका ब्यक्तिका बालबालिकालाई पालन पोषण तथा शिक्षा दिक्षामा क्रियाशील २८ बर्षीया अविवाहिता बस्नेतलाई पचास हजार अमेरिकी डलरसहितको सीएनएन हिरोको उपाधाी घोषणा गरिएको हो ।

न्युयोर्कमा आज आयोजित उपाधी घोषणा कार्यक्रममा सम्बोधन गर्दै पुष्पाले उपाधी नेपाली बालबालिकालाई समपित गर्नुभयो । उहांले नौ देशका प्रतिस्पर्धीलाई पछि पार्दै यो उपाधी हासिल गर्नुभएको हो । मनोनयनमा परेपछि विश्वभरिका पाठक, स्रोता, शुभचिन्तक र सहयोगीहरुले प्रदान गरेको मतको आधारमा उहां सीएनएन हिरो हुनुभएको हो । यसरी सीएनएन हिरोको उपाधी प्राप्त गर्ने उहां दोस्रो नेपाली हुनुभएको छ । अघिल्लो बर्ष बेचिएका नेपाली चेलीहरुको उद्धार तथा पुनस्र्थापनामा क्रियाशील संस्था माईती नेपालकी अध्यक्ष अनुराधा कोइरालाले सीएनएन हिरोको उपाधी हासिल गर्नुभएको हो ।
 समाचार इमेज  च्यानल  बाट