नायिका पुजना सम्पर्क बाहिर

नायिका पुजना सम्पर्क बाहिर भएपछि चलचित्र ‘रक्षा’ युनिट तनावमा परेको छ । चलचित्रमा पुजनाको एउटा आइटम गीत छायांकन गर्न नै बाँकी छ । तर पुजनालाई सम्पर्क गर्न खोज्दा उनी सम्पर्कमा नआएपछि तनावमा परेको निर्देशक राजु गिरीले बताएका छन् ।

केही हप्ता अघि पुजना दुबईमा हुने अवार्डका लागि त्यता हुइकिएकी थिइन् । त्यसपछि पुजना आफुहरुको सम्पर्कमा नआएको गिरीको भनाई छ । पुजनालाई दुबइबाट र्फकन साथ आइटम गीतको छायांकन गर्नु पर्छ भनी निर्माणपक्षले जानकारी समेत गराएको थियो ।

चलचित्र रक्षाको पोष्टर सार्वजनिक भएसँगै पुजना र निर्माणपक्ष बिच दुरी बढेको छ । यसैले पनि पुजना सम्पर्क बाहिर रहेको अनुमान लगाउन सकिन्छ । पबन बस्नेतको निर्माणमा तयार भएको यो चलचित्र चैत्र ३० गतेबाट देशभरका हलमा प्रदर्शनमा आउने पक्का भएको छ । चलचित्रमा राजेश हमाल, अशोक फुयाँल, सुशिल पोखरेल, सारिका घिमिरे लगायतका कलाकारले समेत अभिनय गरेका छन् । चलचित्रमा पुजना र अशोकको एक उत्तेजक बेडसिन समेत समावेश गरिएको छ ।स्रोत : ऑनलाइन  खबर