पोखराको डान्स क्लब ९९ मा आगलागी
पोखरा, कार्तिक २७ - पोखराको मुख्य पर्यटकीय केन्द्र लेकसाईडस्थित डान्स क्लब ९९ मा आज बिहान आगलागी भएको छ । आगलागीबाट झण्डै ५० लाख रुपैयाँ बराबरको क्षति भएको प्रहरीले जनाएको छ ।
प्रहरीका अनुसार बिहान ७ बजेतिर बिजुली सर्ट भएर क्लबमा आगो लागेको थियो । आगलागीबाट साउण्डसिस्टम, डिकोरेशन सबै ध्वस्त भएको छ । प्रहरी, सशस्त्र प्रहरी र स्थानीयको सहयोगमा आगोलाई झण्डै एक घन्टापछि नियन्त्रणमा लिईएको थियो । वडा प्रहरी कार्यालय बैदामका निरीक्षक झबिन्द्र भट्टराईका अनुसार किचनमा रहेका ग्यासलगायतका सामान झ्याल फोरेर निकालिएकाले थप क्षति हुनबाट जोगिएको थियो । आगो नियन्त्रणमा १ सय प्रहरी खटिएको थियो । पोखरामा रहेको एउटामात्र दमकल र आधादर्जन पानीका ट्यांकर आगलागी नियन्त्रणमा प्रयोग गरिएको थियो ।
Posted by Butwalonline
on 7:37 AM. Filed under
