तास खेलिरहेको ठाउँमा गोली चल्दा एक जना घाइते
दाङ, मंसिर १ - दाङको उरहरीमा बिहीबार राति तास खेलिरहेको ठाउँमा गोली चल्दा एक जना घाइते भएका छन् । उरहरी-६ मोतिपुरका गणेश डाँगीको घरमा तास खेल्दै गरेको अवस्थामा १०/१२ जनाको समूहले गोली चलाउँदा स्थानीय ३० वर्षीय जीतबहादुर चौधरी गम्भीर घाइते भएको प्रहरीले जानकारी दिएको छ ।
पेटमा गोली लागेका चौधरीलाई राप्ती अञ्चल अस्पताल तुलसीपुरमा प्रारम्भिक उपचारपछि थप उपचारका लागि नेपालगञ्ज रिफर गरिएको सशस्त्र प्रहरी बल तुलसीपुरका प्रमुख प्रहरी निरिक्षक पुरन न्यौपानेले जानकारी दिए ।
गोली हान्ने समूहले तास खेल्नेहरुबाट करिब १० हजार रुपैयाँ लुटेको उनले बताए । घटनास्थलबाट एउटा गोलीको खोका बरामद भएको र घटनाबारे थप अनुसन्धान भइरेको न्यौपानेले जनाए ।
स्रोत : कांतिपुर
Posted by Butwalonline
on 7:50 AM. Filed under
