गज़ल
*******************************
दशैं आयो राम्रै सङ्ग, मनाउनु है साथी
आफ्नो रीतिरिवाजमा,रमाउनु है साथी
केटा केटी आँगनमा,रौनकता छर्लान
बजारमा नयाँ लुगा, छनाउनु है साथी
आफन्त र नातेदार,सबै जम्मा होलान
आपसमा माया प्रीति,खनाउनु है साथी
जमरा र टीका लगाइ,नाचगान गर्लान
सबै लाई मीठा गीत, भनाउनु है साथी
मान्यजन र बूढाबूढी,आशिर्वाद देलान
सदप्रेमले हाँसी खुसी, बनाउनु है साथी
फैलाउंदै यश कीर्ति,प्रतिभावान बन्दै
संसारमा ठूलो नाम, कमाउनु है साथी
गजलकार :कोमल भट्ट ,काठमाडौँ
हाल :- न्युयोर्क,अमेरिका
Posted by Butwalonline
on 7:51 AM. Filed under
