ढुङ्गाले हानेर आफ्नै श्रीमतीको हत्या
गुल्मी, भाद्र २६ - घरायसी झगडाको रिसमा ढुङ्गाले हानेर गुल्मीको दर्लामचौरमा एक व्यक्तिले श्रीमतीको हत्या गरेका छन् ।
दर्लामचौर-९ का चन्द्रबहादुर कुमालले मदिरा खाएर आएपछि भएको झगडाको रिसमा मसला पिस्ने ढुङ्गाले हानेर श्रीमती हरिकलाको हत्या गरेका हुन् । ढुङ्गाले हान्नासाथ हरिकला भुइँमा ढलेपछि बाबु भागेको र केटाकेटीले छिमेकीलाई खबर गरेको प्रहरीले जनाएको छ । छिमेकीले दिएको जानकारीका आधारमा इश्मा प्रहरी चौकीबाट प्रहरी घटनास्थल पुग्दा हरिकलाको मृत्यु भइसकेको निमित्त प्रहरी प्रमुख जितेन्द्रकुमार बस्नेतले बताए ।
प्रहरी पुग्दा चन्द्रबहादुर फरार भइसकेको भए पनि अस्थायी प्रहरी पोष्ट धनार्जीले उनलाई मंगलबार पक्राउ गरेको प्रहरीले जनाएको छ ।समाचार कांतिपुर बाट
Posted by Butwalonline
on 6:27 PM. Filed under
