यात्रुबहाक बस पल्टिँदा डेढ दर्जन यात्रु घाइते,४ जनाको अवस्था गम्भिर
धादिङ, भदौ २७ - पृथ्वी राजमार्ग अन्तर्गत धादिङको जोगिमारा गाविस-९ खटौतीखोलामा यात्रुबहाक बस पल्टिँदा डेढ दर्जन बढी यात्रु घाइते भएका छन्। आज बिहान साढे आठ बजेतिर विर्तामोडबाट काठमाडौं तर्फ जाँदै गरेको ना ३ ख ७८८१ नम्बरको बस पुल नजिकैबाट अन्दाजी ५० मिटर तल खोलामा पल्टिएर दुर्घटना भएको इलाका प्रहरी कार्यालय गजुरीले जनाएको छ|
तिब्र गतिमा गुडेको बस अनियन्त्रित भई पल्टिएको दुर्घटना उद्धारमा संलग्न प्रहरीको भनाई छ। घाइते मध्य ४ जनाको अवस्था गम्भिर रहेको छ। हाल गजुरी अस्पतालमा १८ जना घाइतेको उपचार भईरहेको छ । गम्भिर घाइतेलाई प्राथमिक उपचार पस्चात काठमाण्डौ लैजाने तयारी भएको छ। ४० भन्दा बढी यात्रु बोकेको बसमा सबै जसो यात्रु घाइते अवस्थामा रहेको प्रहरीले जनाएको छ। समाचार नागरिक न्यूज बाट
Posted by Butwalonline
on 7:42 AM. Filed under
