मोटरसाइकल दुर्घट्नामा ट्राफिक प्रहरी सहित २ जनाको मृत्यू
भक्तपुर, भाद्र ८ - भक्तपुरमा आज बिहान भएको मोटरसाइकल दुर्घट्नामा ट्राफिक प्रहरी सहित २ जनाको मृत्यू भएको छ । १ जना गम्भीर घाइते छन् ।
सल्लाघारीस्थित ट्राफिक प्रहरी पोष्टमा जाँचका क्रममा बा.४०.प १३९८ नम्बरको मोटरसाइकल भाग्न खोज्दा भएको दुर्घट्नामा मोटरसाइकलमा सवार भक्तपुरका १९ वर्षीय रोशन थापाको र ट्राफिक प्रहरी जवान प्रदीप राईको निधन भएको छ । थापाको उपचारका क्रममा शिक्षण अस्पताल महाराजगंजमा तथा राईका बी एन्ड बी अस्पतालमा निधन भएको हो । मोटरसाइकल काठमाडौं बाट सूर्य बिनायक तर्फ जाँदै थियो । मृतक मोटरसाइकल चालक थापा गोठाटार निवासी कोलम्बस कलेजमा पढ्ने विद्यार्थी हुन् ।
ट्राफिक महाशाखाका डीआईजी गणेशराज राईले सवारी चेकिङ छलेर भाग्न खोज्दा दुर्घट्ना भएको बताए । चेकिङमा रहेका ट्राफिकलाई ठक्कर दिएपछि मोटरसाइकल पनि उछिटिएर दुर्घट्ना भएको उनले जानकारी दिए । मोटरसाइकलमा सवार बाग्लुङका दीपक खत्री गम्भीर घाइते छन् । उनको शिक्षण अस्पतालमा उपचार भइरहेको छ ।
(समाचार कांतिपुर बाट)
Posted by Butwalonline
on 10:07 AM. Filed under
