तिगेलाद्धारा विद्यालयलाई १ लाख ३७ हजार प्रदान
धनकुटा, साहित्यकार विश्वास दीप तिगेलाले विद्यालयलाई १ लाख ३७ हजार प्रदान गरेका छन् ।
दुइ दशक अघि तिगेला स्वयंले अध्ययन गरेको श्री भारती उच्च माध्यामिक विद्यालय, छथर हात्तिखर्क, धनकुटाले खेलकुद मैदान अभावको कारण विगत केही बर्षदेखि खेलकुदको कुनैपनि गतिविधि गर्न सकेको छैन । विद्यालय ब्यवस्थापन समितिको आग्रहमा तिगेलाले १ रोपनी ५ आना जग्गा खरिद गरेर विद्यालयको नाममा पास गरिदिएका छन् । तिगेलाले चाहि लाइब्रेरी बनाई दिने इच्छाएका थिए ।
मालपोत कार्यालय धनकुटा परिसरमा खेलकुद मैदानको लागि खरिद गरिएको जग्गाको धनीपुर्जामा कित्ता नं ९६८ देखाउदै प्रधान अध्यापक भिम लिम्बुले सहयोगदाता प्रति आभार ब्यक्त गरे ।
विश्व नेपाली साहित्य महासङ्घको केन्द्रीय महासचिव तथा गैर आवासिय नेपाली संघ ब्रुनाईका अध्यक्ष तिगेलाले गत २८ साउन ०६९ का दिन मालपोत परिसरमै नगद हस्तान्तरण गरेका थिए साथै विद्यालय भवन संगै जोडिएको उक्त जग्गामा खेल मैदान निर्माण गर्नपनि सहयोग गर्ने बचन दिएका छन्
Posted by Anonymous
on 7:00 AM. Filed under
