प्रतिष्ठित रेस्टुरेन्ट केएफसी र नाङ्लो म्याद नाघेका तेल-मसला

नेपाली कुखुराको मासुलाई गुणस्तरहीन भन्दै आयातीत मासु प्रयोग गर्दै आएको केएफसीले नै मिति गुज्रेको तेल प्रयोग गरेको विभागले जनाएको छ। विभागका निरीक्षण अधिकृत विष्णुप्रसाद रेग्मीका अनुसार केएफसीको भान्छामा एक महिनाअघि नै उपभोग्य मिति सकिएको तेल प्रयोग भइरहेको थियो।
मलेसियाबाट आयातीत तेलमा उत्पादन मिति सन् २०११ नोभेम्बर लेखिएको छ। 'छ महिनासम्म मात्र प्रयोग गर्न मिल्ने' भनी क्यानमै प्रस्ट उल्लेख भएकाले २०१२ अप्रिलयता प्रयोग गर्न मिल्दैन। म्याद गुजि्रसकेका खाद्यवस्तुको प्रयोगले स्वास्थ्यमा प्रतिकूल असर पार्नसक्छ। केएफसीको भान्छामा फेला परेको यस्तो ३० लिटर तेल नष्ट गरेको विभागले जनाएको छ।
'केएफसी सञ्चालक दिव्यानी इन्टरनेसनलका कन्ट्री म्यानेजर विष्णु रेड्डीले भने आफ्नो रेस्टुरेन्टमा प्रयोग भइरहेको तेलको मिति नगुजि्रएको दाबी गरेका छन्।
कुनै पनि खाद्यवस्तुमा उत्पादनको दिन तोकिएको छैन भने महिनाको सुरुदेखि नै हिसाब गरेर उपभोग्य मिति गणना गर्नुपर्ने व्यवस्था खाद्य ऐन २०२३ ले गरेको छ। 'उत्पादन भएको महिनादेखि नै गणना गरेर उपभोग्य मिति छुट्टयाइन्छ,' खाद्य प्रविधि तथा गुण नियन्त्रण विभागकी महानिर्देशक जीवनप्रभा लामाले भनिन्।

समाचार नागरिक न्यूज बाट