नोकियाले अब हाइब्रिड ट्याबलेट पनि उत्पादन गर्ने

पछिल्लो घाटामा गइरहेको फिनिस कम्पनी नोकियाले नयाँ हाइबि्रड ग्याजेट उत्पादन गर्ने भएको छ । सेवानिवृत्त हुन लागेका नोकिया कम्पनीका अध्यक्ष जोर्मा ओल्लिलाले छिट्टै नयाँ उत्पादन सार्वजनिक गरिने बताएका छन् ।

कम्पनीको घाटापूर्तिको विषयमा शेयरहोल्डरहरुमा समेत धैर्यता गुमिरहेको बेला कम्पनीले नयाँ योजना सार्वजनिक गर्न लागेको हो । एक पत्रिकासँगको अन्तरवार्तामा ओल्लिलाले विभिन्न खालका ट्याबलेट तथा हाइबि्रड स्मार्टफोट उत्पादन गरिने संकेत गरेका हुन् ।

कम्पनीमा २७ वर्ष सेवा गरेर राजिनामा दिने घोषणा गरेका ओल्लिलाले नयाँ हाइबि्रड उत्पादन बजारमा पठाएपछि नोकियाका ग्याजेटले राम्रो प्रभाव छाड्ने दाबी गरे । माइक्रोसफ्टको विन्डोज ८ सार्वजनिक भएसँगै नोकियाले यो वर्षको अन्त्यसम्ममा आफ्नो पहिलो ट्याबलेट कम्प्युटर लञ्च गर्ने अपेक्षा गरिएको छ । नोकियाका ट्याबलेटको भविष्य माइक्रोसफ्टसँगको सम्बन्धमा भर पर्ने विश्लेषकहरु बताउँछन् । स्मार्टफोनको दुनियामा एप्पल भन्दा निकै पछि परेको नोकियाले नयाँ लुमिया स्मार्टफोनबाट नाफा कमाउने आशा गरेको छ ।

समाचार ओनलाइन खबर बाट