विमानस्थलको धावन मार्गमा खाल्डो परेका कारण उडान एक घण्टा अवरुद्ध
काठमाडौँ, चैत १९- त्रिभुवन अन्तर्राष्ट्रिय विमानस्थलको धावन मार्गमा खाल्डो परेका कारण आन्तरिक तथा अन्तरराष्ट्रिय उडान एक घन्टा बढी अवरुद्ध भएको छ।
आज साँझ काठमाडौँबाट सिमरा उड्न लागेको अग्नि एयरको जहाजले विमानस्थलको धावन मार्गमा खाल्डो परेको जानकारी दिएपछि एक घन्टा बढी समय उडान रोकी धावन मार्ग मर्मत गरिएको विमानस्थलका उडान निर्देशक ऋषिकेश शाहले जानकारी दिए। उनका अनुसार एक मिटर लम्बाइ र पाँच इन्च गहिरो खाल्डो धावन मार्गमा परेको थियो।
सो खाल्डो तत्कालै मर्मत गरिएका कारण कुनै दुर्घटना हुन नपाएको शाहले बताए। रासस
Posted by Butwalonline
on 7:39 PM. Filed under
