थोरै समय मात्र निदाउनु हुन्छ भने सावधान
पि्रभेन्टिभ मेडिसिन जर्नलमा प्रकाशित सेन्टर फर डिजिज कन्ट्रोल एन्ड पि्रभेन्सनको नयाँ अध्ययनले आठ घन्टाभन्दा कम निद्रा लिने किशोरमा पर्याप्त निद्रा लिने किशोरको दाँजोमा सिगरेट र रक्सीको अम्मली बढी हुने तथ्य पत्ता लगाएको छ । यतिसम्म कि उनीहरु सामान्य कुरामा बारम्बार उग्र भएर मारपिट गर्न तम्सिन थाल्छन् । अमेरिकामा करिब १२ हजार किशोरमा गरिएको यो अध्ययनले ६८.९ प्रतिशत किशोर स्कुल खुला रहँदा आठ घन्टाभन्दा कम निद्रा लिने कुरा प्रकाशमा ल्याएको छ ।
अध्ययनअनुसार आठ घन्टाभन्दा कम सुत्ने किशोर मात्र सिगरेट र गाँजाजस्ता नशाको अम्मली छन् । उनीहरुमध्ये ५०.३ प्रतिशत किशोर दिनहुँ रक्सी खान्छन् । जब कि पूरा निद्रा लिने किशोरमा यसको प्रतिशत मात्र ३६.७ देखिएको छ । कम सुत्ने किशोर आफ्नो स्वास्थ्यको कम ख्याल राख्छन् । उनीहरु व्यायाम गर्दर्ैनन्, दिनहुँ तीन घन्टाभन्दा बढी समय कम्प्युटर अगाडि बसिरहन्छन् अनि सम्पूर्ण दिन आलस्य भएरै बिताउँछन् ।
अध्ययनले यस्ता किशोर स-साना कुरामा समेत धेरै उग्र र हिंस्रक हुन्छन् र सामान्य कुरामा पनि साथीभाइप्रति झगडालु व्यवहार देखाउँछन् । यस्तो स्वभावका किशारमा आत्महत्याको प्रवृत्ति पनि बढी हुने दाबी अध्ययनले गरेको छ । चिकित्सकीय मान्यताअनुरुप स्वस्थ रहनका लागि न्यूनतम आठ घन्टे निद्रा आवश्यक हुने तथ्यलाई यो अध्ययनले झन् बलियो बनाएको छ ।
मस्तिष्कको विकार
अम्मल (एडिक्सन) रक्सी, मादक पदार्थ, जुवा र यौनसँग जोडिनु कुनै व्यक्तिको सामान्य व्यवहार होइन । यो मस्तिष्कको एक किसिमको विकार हो । अमेरिकन सोसाइटी अफ एडिक्सन मेडिसिनले अम्मलको नयाँ परिभाषा दिएको छ, जुन ८० भन्दा बढी विशेषज्ञहरूको सहयोगले चार वर्षको खोजपछि निकालिएको हो ।
सोसाइटीका पूर्व अध्यक्ष डा. माइकल मिलर भन्छन्, 'अम्मल सामाजिक, नैतिक वा आपराधिक समस्या मात्र हुँदैन । यो मस्तिष्कको एउटा समस्या हो, जुन सबैमा लागू हुन्छ ।'
मिलरका अनुसार अम्मल सम्बद्ध कतिपय व्यवहार वास्तविक समस्या हुन्छन् र केही चाहिं आपराधिक कृत्य । तर, यो रोग मस्तिष्कसँग जोडिएको छ, मादक पदार्थसँग होइन ।
नयाँ परिभाषामा अम्मललाई प्राथमिक रोग भनिएको छ । यसको अर्थ, भावुकता वा मनोवैज्ञानिक समस्या वा अन्य कारणले कुनै पनि व्यक्ति अम्मली हुँदैन ।
साभार :कान्तिपुर न्युज
Posted by Butwalonline
on 9:49 PM. Filed under
