भीरबाट खसेको ढुंगाले लागेर १ जनाको मृत्यु
कृष्ण आचार्य , दैलेख, भाद्र ३– भीरबाट खसेको ढुंगाले लागेर दैलेखमा एक महिलाको मृत्यु भएको छ । तोली गाविस–५ की ४३ वर्षीया मानकुमारी मल्लको उपचारको लागि नेपालगञ्ज लैजाने क्रममा आज बीच बाटोमै मृत्यु भएको हो । उनको छाती तथा पेटमा गम्भीर चोट लागेको थियो । प्राथमिक स्वास्थ्यकेन्द्र नौमुलेमा सामान्य उपचार पछि उनलाई जिल्ला अस्पतालमा ल्याईएको थियो । जिल्लामा उपचार सम्भव नभएपछि नेपालगंज लैजाने क्रममा सुर्खेत र नेपालगंजको बीचमा पर्ने बबईमा आज मृत्यु भएको हो ।
तोली गाविस ५ ठुटेसिमल नजिक खानेपानीको इनटेक निर्माणको काम भईरहेको अवस्थामा भीरमाथिबाट ढुंगा लागेर उनी गम्भीर घाईते भएकी थिइन् । त्यस क्षेत्रमा विश्व खाद्य कार्यक्रमको सहयोगमा वीनरक ईन्टरनेशनल, सिप्रेड र डेप्रोक्स नेपालको प्राविधिक एवं सामाजिक परिचालनमा विस्तारित राहत तथा पुर्नस्थापना कार्यक्रम अन्र्तगत सिचाई र खानेपानीका आयोजना निर्माण भईरहेका छन् । उनी सिंचाई तथा खानेपानी आयोजना उपभोक्ता समितिकी कोषाध्यक्ष हुन् ।
Posted by Butwalonline
on 4:22 PM. Filed under
