दाजुले चलाएको टयाक्टरले ठक्कर दिंदा भाइको मृत्यु
नेपालगन्ज, अषाढ २६ - बाँकेको कोहलपुर चपरगौडी नजिकै दाइले चलाएको टयाक्टरले ठक्कर दिंदा भाइको घटनास्थलमै मृत्यु भएको छ ।
आइतबार दिउँसो कोहलपुरबाट खड्बार तिर गइरहेको भे १ त १६२५ नम्बरको टयाक्टरले ठक्कर दिंदा कोहलपुरका ३५ बर्षीय गगन पुरीको मृत्यु भएको हो । उक्त टयाक्टर गगनका दाजु डिल्लीराम पुरीले चलाएका थिए ।
कोहलपुर इलाका प्रहरी कार्यालयले भाईको मृत्यु पछि दाजुलाई नियन्त्रणमा लिएको छ । गिटी ढुवानी गरी मजुदुरीका लागि दाजुभाइ एउटै टयाक्टरमा काम गर्दै आएका थिए ।
कोहलपुर इलाका प्रहरी कार्यालयका प्रहरी निरीक्षक बिचित्र शाहले ट्रयाक्टरको ट्रलीले झड्का दिंदा भाइको मृत्यु भएको बताएका छन् ।
source:kantipurnews
Posted by Butwalonline
on 9:11 PM. Filed under
