खुकुरी प्रहार गरी व्यवसायीको हत्या
दाङ, अषाढ २९ -
दाङमा खुकुरी प्रहार गरी एकजना व्यवसायीको हत्या भएको छ । जडिबुटी
व्यवसायका लागि दाङ आएका रुकुम पोखरा गाविस ६ निवासी २७ वर्षीय टेक बहादुर
घर्तीको हत्या भएको जिल्ला प्रहरी कार्यालय दाङले जनाएको छ ।
घर्तीको शव बुधबार बिहान दाङको नारायणपुर गाविस ४ दक्षिण अम्राइमा फेला
परेको थियो । उनको टाउकोमा खुकुरी प्रहार भएको प्रहरीले जनाएको छ ।
घटनास्थलबाट प्रहरीले एकथान खुकुरी ब्रामद गरेको छ ।
हत्यामा संलग्न भएको आशंकामा प्रहरीले एक मीहला सीहत तीन जनालाई
नियन्त्रणमा लिएको छ । पक्राउ पर्नेहरुमा घर्तीसँगै जडिबुटी व्यवसायमा आएका
रुकुम पोखराकै दलबहादुर बुढा, सुरेन्द्र रोका र कुलबीर बुढा रहेका छन् ।
घटनाबारे थप अनुसन्धान भइरहेको जिल्ला प्रहरी कार्यालयका डिएस्पी मोहन
पोखरेलले बताए ।
घर्तीको शवलाई अहिले पोष्टमार्टमका लागि राप्ती उपक्षेत्रीय अस्पताल
घोराहीमा ल्याइएको छ । आर्थिक लेनदेनको कुरामा विवाद भएपछि हत्या भएकोे
हुनसक्ने प्रहरीले आशंका गरेको छ ।
source:Kantipurnews
Posted by Butwalonline
on 1:48 PM. Filed under
