सडक दुर्घटनामा एक बालकको मृत्यु,१८ जना घाइते
काँकडभिट्टा, असार ३०- पूर्व-पश्चिम राजमार्गको तोपगाछी–७ स्थित शहीद गेटमा भएको सडक दुर्घटनामा एक बालकको मृत्यु भएको छ भने १८ जना घाइते भएका छन्। सडक पार गर्दै गरेका चौपाया जोगाउन खोज्दा पूर्वतर्फ आउँदै गरेको को १ ख २०६२ नम्बरको अपेक्षा ट्राभल्स यात्रुवाहक बस अनियन्त्रित भई दुर्घटना भएको थियो।
दुर्घटनामा परेर मृत्यु हुनेमा इलाम पिपलबोटे– ४ का चार वर्षीय साहिल विक छन्। दुर्घटनामा १८ जना घाइते भएका छन्। तीमध्ये चार जनाको अवस्था गम्भीर छ।
घाइतेमध्ये ११ जनालाई उपचारका लागि बिपी कोइराला स्वास्थ्य विज्ञान प्रतिष्ठान धरान र न्युरो हस्पिटल विराटनगर लगिएको छ भने बाँकीको दमकस्थित आम्दा अस्पतालमा उपचार भइरहेको छ।
सो क्षेत्रमा चरनका लागि खुला छाडिने गाईवस्तुका कारण बर्सेनि दुर्घटना हुने गरेको छ।
- रासस
Posted by Butwalonline
on 4:46 PM. Filed under
