जापानमा श्रीमानसँगै सुतिरहेकी महिला अपहरणमा
जापान, श्रावण ३ -
जापान बस्दै आएकी एक नेपाली महिला मंगलबार विहान अपहरणमा परेकी छन् ।
श्रीमान तोरणसँगै सुतिरहेकाबेला महिलासहित आएको अपहरणकारी समूहले २७
वर्षीया महिला उमा थापाको स्थानीय समय अनुसार मंगलबार बिहान ४ बजे अपहरण
गरेको हो ।
साइतामा केनको कावागोयस्थित आफ्नै कोठामा सुतेकै अवस्थामा बागलुङ रिघा घर
भएकी थापाको अपहरण भएको मगर सेवा समितिका अध्यक्ष खिम थापालाई उद्धृत गर्दै
जापानको सामूदायिक वेबसाइट समुद्रपारि डटकमले जनाएका छन् ।
बागलुङ घर भएका तोरण दुई वर्षदेखि कुक पेशामा कार्यरत थिए । उनकी श्रीमती
भने एक वर्षअघि जापान गएकी थिइन् । अपहरणमा परेकी नेपाली महिलाको उद्धारका
लागि प्रहरीले खोजतलास तीब्र पारेको समाचारमा उल्लेख छ ।
Source:KantipurNews
Posted by Butwalonline
on 8:07 AM. Filed under
