२० दिनमा ४ पटक भत्क्यो धावनमार्ग
काठमाडौ, अषाढ ८ - त्रिभुवन अन्तर्राष्ट्रिय विमानस्थलको मुख्य धावनमार्ग २० दिनयता चार पटक भत्किसकेको छ । धावनमार्ग पिच गरिएको तीन महिनामात्रै भएको छ । मंगलबार पनि धावनमार्गको बीचमै खाल्डो परेपछि करिब ३ घन्टा कुनै उडान हुन सकेन ।
विमानस्थलको अवस्था जोखिमपूर्ण भएपछि मंगलबार बिहान कतार र जेट एयरवेज यहाँ अवतरण नगरी अन्यत्रै डाइभर्ट भएका थिए । साढे ६ बजे विमानस्थल खुले पनि धावनमार्ग भत्किएको थाहा पाएपछि मर्मत गर्न ३ घन्टा बन्द गरियो । मंगलबार विमानस्थलको 'इन्टेल सेक्सन' ३ र ४ को बीचमा रनवे भत्किएको हो । ३ हजार ३ सय मिटरको धावनमार्गमध्ये डेढ सय मिटर दूरीमा खाल्डो परेको हो ।
आन्तरिक उडानलाई भने करिब ४५ मिनेटपछि १ हजार ९ मिटर रनवे खुला गरिएको विमानस्थल स्रोतले बतायो । ४५ मिनेट अवधिमा तारा, गुण, अग्नि र बुद्धका जहाज पनि आउने स्थानबाट नजिकैको विमानस्थलमा डाइभर्ट हुन बाध्य भएको विमानस्थलको उडान सूचना शाखाका एक अधिकारीले बताए ।
२४ करोड रुपैयाँको लागतमा पिच गरिँदा न्यून गुणस्तरीय सामग्री प्रयोग भएको हुन सक्ने विमानस्थल वित्तीय शाखाका एक कर्मचारीले बताए । 'काम गर्दा २५ देखि ३० प्रतिशतसम्म कमिसन बाँडफाँड हुन्छ,' विमानस्थलका एक अधिकारीले भने, 'विमानस्थलदेखि प्राधिकरणका अधिकांश अधिकारीसम्म हिस्सा पुग्ने हुँदा दोषीलाई कारबाही होला भन्नेमा शंका छ ।'
विमानस्थल स्रोतका अनुसार यसअघि १५ दिनमा ३ पटक धावनमार्गमा प्वाल परेको थियो । 'त्यतिबेला सूचना बाहिर लान दिइएन,' स्रोतले भन्यो । हवाई क्षेत्रमा सबैभन्दा संवेदनशील भाग धावनमार्ग हो । अन्तर्राष्ट्रिय नागरिक उड्डयन संगठन -आईकाओ) का अनुसार एकतिहाइ हवाई दुर्घटना धावनमार्गको समस्याले हुने गरेको छ ।
दिउँसो खाल्डो देखिएपछि विमान चालक वा अरू कसैले जानकारी दिन सक्ने भए पनि राति सानो त्रुटिले पनि ठूलो दुर्घटना हुन सक्ने ती कर्मचारीले बताए । पर्यटन व्यवसायीले यस्ता गतिविधिका कारण देशको साख घट्नुका साथै विमान कम्पनीको आकर्षणसमेत घट्ने बताउँछन् । 'यसमा निर्माण गर्नेसँगै बनेको धावनमार्गलाई सही प्रमाणित गर्ने इन्जिनियर पनि दोषी छन्,' पर्यटन वर्ष २०११ का संयोजक योगेन्द्र शाक्यले भने, 'सबै दोषी भएपछि कसलाई के भन्ने ?'
नागरिक उड्डयन प्राधिकरणका महानिर्देशक रामप्रसाद न्यौपानेले लामो समयपछि पिच गरिएको हुँदा जहाजको दबाब थेग्न नसकी भत्किएको हुन सक्ने बताए । 'राति काम भएको हुँदा केही स्थानमा मापदण्ड नपुगेको हुन सक्छ,' उनले भने ।
बारम्बार धावनमार्ग भत्किएपछि पाँच दिनअघि मात्र यसको निर्माण कार्यमा संलग्न परामर्शदातालाई स्पष्टीकरण सोधिएको विमानस्थलका महाप्रबन्धक रतिशचन्द्रलाल सुमनले बताए । 'काम विमानस्थल सुधार आयोजनाले गरेको हुँदा अरू विषय थाहा छैन,' उनले थपे । विमानस्थल सुधार आयोजना प्रमुख ध्रुव वोत्से बारम्बार प्रयास गर्दा पनि सम्पर्कमा आउन चाहेनन् ।
धावनमार्गलगायत विमानस्थल पूर्वाधारको मापदण्डसम्बन्धी हेर्ने प्राधिकरणको एरोड्रम सेफ्टी एन्ड स्ट्यान्डर्ड विभागका प्रमुख पुण्यराज शाक्यले पनि यसबारे कुरा गर्न मानेनन् । उनले यसबारे जानकारी दिन महानिर्देशकको आदेश चाहिने बताए ।
Source:KantipurNews
विमानस्थलको अवस्था जोखिमपूर्ण भएपछि मंगलबार बिहान कतार र जेट एयरवेज यहाँ अवतरण नगरी अन्यत्रै डाइभर्ट भएका थिए । साढे ६ बजे विमानस्थल खुले पनि धावनमार्ग भत्किएको थाहा पाएपछि मर्मत गर्न ३ घन्टा बन्द गरियो । मंगलबार विमानस्थलको 'इन्टेल सेक्सन' ३ र ४ को बीचमा रनवे भत्किएको हो । ३ हजार ३ सय मिटरको धावनमार्गमध्ये डेढ सय मिटर दूरीमा खाल्डो परेको हो ।
आन्तरिक उडानलाई भने करिब ४५ मिनेटपछि १ हजार ९ मिटर रनवे खुला गरिएको विमानस्थल स्रोतले बतायो । ४५ मिनेट अवधिमा तारा, गुण, अग्नि र बुद्धका जहाज पनि आउने स्थानबाट नजिकैको विमानस्थलमा डाइभर्ट हुन बाध्य भएको विमानस्थलको उडान सूचना शाखाका एक अधिकारीले बताए ।
२४ करोड रुपैयाँको लागतमा पिच गरिँदा न्यून गुणस्तरीय सामग्री प्रयोग भएको हुन सक्ने विमानस्थल वित्तीय शाखाका एक कर्मचारीले बताए । 'काम गर्दा २५ देखि ३० प्रतिशतसम्म कमिसन बाँडफाँड हुन्छ,' विमानस्थलका एक अधिकारीले भने, 'विमानस्थलदेखि प्राधिकरणका अधिकांश अधिकारीसम्म हिस्सा पुग्ने हुँदा दोषीलाई कारबाही होला भन्नेमा शंका छ ।'
विमानस्थल स्रोतका अनुसार यसअघि १५ दिनमा ३ पटक धावनमार्गमा प्वाल परेको थियो । 'त्यतिबेला सूचना बाहिर लान दिइएन,' स्रोतले भन्यो । हवाई क्षेत्रमा सबैभन्दा संवेदनशील भाग धावनमार्ग हो । अन्तर्राष्ट्रिय नागरिक उड्डयन संगठन -आईकाओ) का अनुसार एकतिहाइ हवाई दुर्घटना धावनमार्गको समस्याले हुने गरेको छ ।
दिउँसो खाल्डो देखिएपछि विमान चालक वा अरू कसैले जानकारी दिन सक्ने भए पनि राति सानो त्रुटिले पनि ठूलो दुर्घटना हुन सक्ने ती कर्मचारीले बताए । पर्यटन व्यवसायीले यस्ता गतिविधिका कारण देशको साख घट्नुका साथै विमान कम्पनीको आकर्षणसमेत घट्ने बताउँछन् । 'यसमा निर्माण गर्नेसँगै बनेको धावनमार्गलाई सही प्रमाणित गर्ने इन्जिनियर पनि दोषी छन्,' पर्यटन वर्ष २०११ का संयोजक योगेन्द्र शाक्यले भने, 'सबै दोषी भएपछि कसलाई के भन्ने ?'
नागरिक उड्डयन प्राधिकरणका महानिर्देशक रामप्रसाद न्यौपानेले लामो समयपछि पिच गरिएको हुँदा जहाजको दबाब थेग्न नसकी भत्किएको हुन सक्ने बताए । 'राति काम भएको हुँदा केही स्थानमा मापदण्ड नपुगेको हुन सक्छ,' उनले भने ।
बारम्बार धावनमार्ग भत्किएपछि पाँच दिनअघि मात्र यसको निर्माण कार्यमा संलग्न परामर्शदातालाई स्पष्टीकरण सोधिएको विमानस्थलका महाप्रबन्धक रतिशचन्द्रलाल सुमनले बताए । 'काम विमानस्थल सुधार आयोजनाले गरेको हुँदा अरू विषय थाहा छैन,' उनले थपे । विमानस्थल सुधार आयोजना प्रमुख ध्रुव वोत्से बारम्बार प्रयास गर्दा पनि सम्पर्कमा आउन चाहेनन् ।
धावनमार्गलगायत विमानस्थल पूर्वाधारको मापदण्डसम्बन्धी हेर्ने प्राधिकरणको एरोड्रम सेफ्टी एन्ड स्ट्यान्डर्ड विभागका प्रमुख पुण्यराज शाक्यले पनि यसबारे कुरा गर्न मानेनन् । उनले यसबारे जानकारी दिन महानिर्देशकको आदेश चाहिने बताए ।
Source:KantipurNews
Posted by Butwalonline
on 7:46 AM. Filed under
