गुल्मीको बाग्लामा आगलागी ६ लाख बराबरको क्षती

सीता भण्डारी,गुल्मी,फागुन २५ - गुल्मीको वाग्लामा हिजो ३ घर र एक गोठ जलेर नष्ट हुदा करिव ६ लाख बराबरको क्षती भएको छ । वाग्ला गाविस वार्ड नं. ३ आस्रा निवासी विष्णुवहादुर विक, कृष्णवहादुर विक र खड्कवहादुर विश्वकर्माको घर तथा एउटा गोठ जलेर पुर्णरुपमा नष्ट हुदा उक्त रकम बराबरको क्षती भएका हो ।

विष्णुवहादुर विश्वकर्माको घरवाट शुरु भएको आगोले थप दुई वटा घर र एउटा गोठलाई समेत पुर्ण रुपमा जलाएको थियो । आगलागीबाट विष्णुवहादुर विकको १ लाख ७८ हजार,, कृष्णवहादुर विकको २ लाख १९ हजार, खड्कवहादुर विश्वकमाको २ लाख ८८ हजार बराबरको क्षती भएको जिल्ला प्रहरी कार्यलय गुल्मीले जानकारी दिएको छ। घरमा कोही पनि नभएको अवस्थामा आगोलागी भएको र त्यहाँका स्थानीयवासी, वाग्ला उच्च माध्यमिक विद्यालयका शिक्षक तथा विद्यार्थी एवं आजको अन्तराष्ट्रिय नारी दिवस मनाउन तैयारीका लागि भेला भएका महिलाहरुको विशेष सक्रियतामा आगो नियन्त्रणमा लिईएको वाग्लावाट हिमप्रसाद पन्थीले जानकारी दिनुभयो । घरमा खाना वसाली आगो ननिभाई छाडेर हिडेको वेला विष्णुवहादुर विश्वकर्माको चिमवाट आगो सल्किएको थियो । आगलागीवाट घर भित्र रहेका सम्पुर्ण सामाग्रीहरु पुर्णरुपमा जलेर नष्ट भएको छ । गाई वस्तुलाई भने सुरक्षित स्थानमा सारिएको छ । यस्तै गुल्मीकै गौडाकोट गाविस वार्ड नं. ६ थाङ्गरुख भन्ने स्थानमा रहेको सार्वजनीक जङ्गलमा भिषण आगलागी भएको छ । आज दिउसो १ बजेबाट सुरु भएको आगो झण्डै २ घण्टापछी पुर्णरुपमा नियन्त्रणमा आएको थियो ।

Posted by Butwalonline on 6:56 PM. Filed under National News, News . You can follow any responses to this entry through the RSS 2.0. Feel free to leave a response