श्रीमानले खन्याए उम्लेको पानी श्रीमती र डेढ वर्षिय छोरा माथि

निमेन्द्र शाही,बाजुरा, पुस १ - बाजुरा सदरमुकाम मार्तडी गाविस ५ बाउली गाउँकी २५ वर्षिया पार्वती कुँवरलाई उहाँकै श्रीमान छिरिङ कुँवरले तातोपानी खन्याएका छन् ।श्रीमानलाई ‘रक्सी नखानुस्’ भनेर सम्झाउन खोज्दा उल्टै चुल्होमा उम्लदै गरेको तातोपानी खन्याएको पार्वतीले बताउनुभयो ।

तातोपानीले पोलेर घाइते भएकी पार्वती र डेढ वर्षिय छोरा आयुषको जिल्ला अस्पताल बाजुरामा उपचार भई रहेको छ । उपचारमा संलग्न चिकित्सक डा. हृदयविभु घिमिरेका अनुसार घाइते आमा छोराको ७ प्रतिशत शरीर जलेको छ ।

साँझपख घर आएका छिरिङले रक्सीले मातेर जथाभावी गर्न थालेपछि पार्वतीले  श्रीमानलाई रक्सी नखानुस भनेर सम्झाउन खोज्दा तातोपानीको पीडा सहनु परेको हो ।श्रीमती र छोराको जिऊमा तातोपानी खन्याउने छिरिङलाई भने प्रहरीले नियन्त्रणमा लिएको छ ।
समाचार :उज्यालो  नेटवर्क