रेलको ठक्करवाट जापानमा एक नेपालीको मृत्यु
टोक्यो कात्तिक २१ - रेलको ठक्करवाट जापानमा एक नेपालीको मृत्यु भएको छ । तीन वर्ष अघि जापानमा आएका झापा खोबारा-६, का ४१ वर्षीय दिपेन्द्र नाथ पोख्रेलको सोमवार राति सिन कासाई लाइनमा ट्रेनको ठक्करवाट मृत्यु भएको जापानवाट सञ्चालित न्यूज पोर्टल टोक्यो नेपाल डटकमले जनाएको छ ।
एनआरएन जापानका अध्यक्ष ओम गुरुङका अनुसार हिजो साँझ ८ बजेर २१ मिनेटमा ट्रेनको ठक्करवाट गम्भीर घाइते भएका पोख्रेलको उपचारका क्रममा गएराती साढे १ बजे निधन भएको हो । पोख्रेल नारा सिटीको चुदामुनास्थित चाँद रेष्टुरेन्टमा सन् २००९ देखि नै कार्यरत थिए । स्थायी घर झापा खोबारा-६, भएपनि मृतकका परिवार नवलपरासीको गैडाकोटमा बसोबास गर्दै आएका छन् । टोक्योस्थित नेपाली दूतावासका अनुसार मृतकका श्रीमति, १३ वर्षका एक छोरा र ९ वर्षकी छोरी छन् ।
स्रोत :ऑनलाइन खबर
Posted by Butwalonline
on 4:02 PM. Filed under
News,
News Source
.
You can follow any responses to this entry through the RSS 2.0.
Feel free to leave a response
