मन्त्रालयबाट ल्याण्डफिल साईटको निरिक्षण
हेमराज भट्ट/नेपालगन्ज-नेपालगंज नगरपालिकाले निमार्ण गर्न लागेको ल्याण्डफिल साईटको हिरमिनिया वडा नं. ७मा रहेको जग्गाको आज मन्त्रालयबाट आएको तिन सदस्यीय टोली सहितले निरीक्षण अनुगमन गरेको छ ।अनुगमनका लागी संघिय मामिला तथा स्थानिय बिकास मंत्रालयका सह सचिव तिलक पौडेल , शहरी बिकास मंत्रालयकी मिरा ज्ञवाली र वातावरण मंत्रालयका प्रतिनिधी सहितले आज अनुगमन गरेको हो ।
अनुगमन टोलीले ल्याण्डफिल साईट जग्गाको भौगोलीक अबस्था , स्थानियबासीहरुको माग ,सडक लगायतका बिषयमा सोधिखोजी र सल्लाह समेत गरेको थियो ।
अनुगमनमा नेपालगंज नगरपालिका कार्यकारी अधिकृत लोक बहादुर सुनार , योजना प्रमुख श्याम काजी पिया, नेकपा एमालेका दत्त प्रसाद आचार्य , चन्द्र शेखर पाण्डे, एडिबी आयोजना प्रमुख दिपक श्रेष्ठ लगाएतको सहभागीता रहेको थियो । नगरमा दैनिक जम्मा भएको फोहोरलाई हिरमिनियामा लगी व्यबस्थीत रुपमा पुन : प्रयोगमा ल्याउने नगरपालिकाले जनाएको छ ।
Posted by Butwalonline
on 5:49 PM. Filed under
