नेपाल टेलिकमले तिहारलगतै ‘वाइम्याक्स’ प्रविधिमार्फत इन्टरनेट सेवा वितरण गर्ने
पहिलो चरणमा टेलिकमले काठमाडौँमा एक लाख र बुटवलमा एक लाख लाइन वितरणका लागि मुख्य पूर्वाधार निर्माण कार्यलाई तीव्रता दिएको कम्पनीका सहप्रवक्ता राजेश जोशीले जानकारी दिनुभयो । उहाँले काठमाडौँमा प्रविधि जडान कार्य सकिएर परीक्षण सुरु भएको र बुटवलमा भने यहाँको परीक्षण सकिएपछि जडान कार्य सुरु गरीने उल्लेख गर्दै यस प्रविधिका लागि आवश्यक पर्ने उपकरणहरू(एन्टेना) ल्याइएको बताउनुभयो ।
यस प्रविधिबाट सेवा लिँदा अधिकतम २० एमबिपिएस र न्यूनतम २५६ केबिपिएससम्म उपलब्ध गराउन सकिने छ । २५६ केबिपिएस भन्दा तलको गतिका सेवा लिन चाहने नेपाल टेलिकमका ग्राहकहरूका लागि भने एडिएसएल प्रयोग गर्न सकिने प्रवक्ता जोशीले बताउनुभयो । उहाँका अनुसार नयाँ प्रविधि वाइम्याक्स र एडिएसएलको सेवामा ठूलो अन्तर हुने छैन ।
वाइम्याक्सबाट अधिकतम् ३५ किलोमिटरसम्म लिज लाईन(दुईवटा कार्यालयबीचको लाइन) प्रयोग गर्न सकिने र यस प्रविधि प्रयोग गरिएको सिमित क्षेत्रमा वाइफाइ चलाउन सकिनेछ । रासस
स्रोत :ऑनलाइन खबर
Posted by Butwalonline
on 7:22 AM. Filed under
News,
Technology
.
You can follow any responses to this entry through the RSS 2.0.
Feel free to leave a response
