म्यान अफ द म्याच राहुलले सेहवागको कीर्तिमान तोडे
काठमाडौं, भदौ ८- आइसिसी यु-१९ विश्वकपमा नेपालले निराशाजनक १३औं स्थानमा यात्रा टुंग्याउँदा राहुल विश्वकर्माले भने अनुपम कीर्तिमान बनाएका छन्। पपुवा न्युगिनीविरुद्ध बिहीबार नेपाललाई ६ विकेट विजय दिलाउँदा 'म्यान अफ द म्याच' राहुलले ३ रन खर्चेर ६ विकेट लिए। त्यसका लागि उनले ६.२ ओभरमा ४ मेडनसमेत राखेका थिए।
यो यु-१९ विश्वकप इतिहासकै उत्कृष्ट किफायती बलिङ प्रदर्शन हो। ५ ओभरभन्दा बढी बलिङ गरेको प्रदर्शन आधारमा भारतका वीरेन्द्र सेवागको प्रदर्शन यु-१९ विश्वकपमा उत्कृष्ट किफायती प्रदर्शन थियो। सेवागले सन् १९९८ मा दक्षिण अफ्रिकाको जोहानसबर्गमा स्कटल्यान्डविरुद्ध ८ ओभरमा ५ मेडन राख्दै ४ रन खर्चेर ३ विकेट लिएका थिए।
आधिकारिक युथ एकदिवसीयमा यो दोस्रो उत्कृष्ट किफायती बलिङ हो। भारतका गौतम दत्ताले १९९३ मा इङ्यान्डविरुद्ध ९ ओभरमा ७ मेडन राख्दै ३ रन खर्चेर २ विकेट लिएका थिए। युथ एकदिवसीयमै राहुलको प्रदर्शन पाँचौं उत्कृष्ट र संयुक्त तेस्रो उत्कृष्ट हो।
अस्टेलियामा जारी यु-१९ विश्वकपमै राहुलको उत्कृष्ट बलिङ प्रदर्शन हो। यु-१९ विश्वकपमा कुल तेस्रो उत्कृष्ट बलिङ हो। श्रीलंका जीवन मेन्डिसले २००२ मा जिम्बावेविरुद्ध १९ रन खर्चेर ७ तथा न्युजिल्यान्डका टेन्ट बोउल्टले २० रन खर्चेर ७ विकेट लिएको प्रदर्शनमात्र राहुलभन्दा अगाडि छ।
छैटौंपटक विश्वकप खेलिरहेको नेपाली खेलाडीको उत्कृष्ट बलिङ प्रदर्शन पनि राहुलको नाममा बनेको छ। अघिल्लो खेलमा नामिबियाविरुद्ध भुवन कार्कीले २१ रन खर्चेर ५ विकेट लिनु नेपाली खेलाडीको यु-१९ विश्वकपमा उत्कृष्ट प्रदर्शन थियो। जारी प्रतियोगितामा राहुलले १३ विकेट लिइसकेका छन्। उनीभन्दा अगाडि रहेका इङ्ल्यान्डका रिस टोप्लेले १६ विकेट लिएका छन्।
वर्तमान नेपाली टोलीमा दोस्रोपटक यु-१९ विश्वकप खेल्ने राहुलमात्र हुन्। उनले मलेसियामा २००८ मा ६ खेलमा कुल १० विकेट लिएका थिए। कुल २३ विकेटसँगै उनी यु-१९ विश्वकपमा संयुक्त सर्वाधिक विकेट लिने नेपाली खेलाडी बनेका छन्। पारस खड्काले ३ यु-१९ विश्वकप खेल्ने क्र्कममा १७ खेलमा २३ विकेट लिएका थिए। राहुलले ११ खेलमै यो उपलब्धि पाएका हुन्। नामिबियाविरुद्ध अघिल्लो खेलमा ढाडको समस्याका कारण राहुलले खेलेका थिएनन्।
समाचार नागरिक न्यूज बाट(विनोद पाण्डे)
Posted by Butwalonline
on 4:59 PM. Filed under
