सिरहाको खड्का होटलमा बम विस्फोट
सिरहा, साउन २५- सिरहाको खड्का होटलमा केहिबेर अघि एउटा बम विस्फोट भएको छ भने अर्को पड्किन बाँकी रहेको बम फेला परेको छ। बम होटलको काउण्टरमा विष्फोट भएको छ भने नपड्किएको बम होटल भित्र फेला परेको छ।
विष्फोटबाट होटलको काउण्टरमा क्षति पुगेको छ। विष्फोटनका समय काउण्टरमा कोहि नभएकाले मानवीय क्षति नभएको प्रहरीले जनाएको छ।
अहिले होटललाई सुरक्षाकर्मीले घेराहाली भित्र कसैलाई प्रवेश दिएको छैन्। बम कसले राख्यो त्यो खुल्न नसकेको सिरहा प्रहरीले जनाएको छ। बम विष्फोट र नपड्किएको बम फेला परेपछि सिरहा बजारवासी आतंकित छन्।
बम विष्फोट स्थल खड्का होटलदेखि सय मिटर दक्षिण प्रमुख जिल्ला अधिकारीको निवास छ भने ५ सय मिटर उत्तर जिल्ला प्रहरी कार्यालय छ।लहानको होटल गोधुलीमा बम विष्फोट र नपड्किएको बम भेटिएको महिना दिन नबित्दै सिरहा सदरमुकाममा पुनः होटलमा त्यही शैलीमा बम विष्फोटनको घटना भएको छ।
समाचार नागरिक न्यूज बाट
Posted by Butwalonline
on 4:59 PM. Filed under
