खाना पकाउने ग्यासको सिलिन्डरमा ४ लिटरभन्दा बढि पानी
१ चैत, काठमाण्डौ । भोजपुरको भोजपुर बजारस्थित एक उपभोक्ताले खाना पकाउने ग्यासको सिलिन्डरमा ४ लिटरभन्दा बढि पानी फेला पारेका छन् ।
भोजपुर गाविस-५ स्थित फविन्द्र प्रधानले खाना पकाउन डेढ महिनाअघि स्थानीय व्यापारी बद्री श्रेष्ठको पसलबाट खरीद गरेको सुविधा ग्यासबाट खाना पकाउने क्रममा रेगुलेटर खोलेपछि ग्यास आउने पाइपबाट पानी निस्केको थियो ।
भोजपुर बजारमा प्रयोगमा लगिएका सुविधा र कोसी दुबै कम्पनीका ७ वटाभन्दा बढी ग्यास सिलिन्डरबाट पानी निस्केको उपभोक्ताहरुले बताएका छन् ।भोजपुरमा डिलर लिएका बिक्रेता बद्री श्रेष्ठले सिलिन्डरमा पानी रहेको बारे आफुले कम्पनीमा खबर दिएपनि स्पष्ट जवाफ नदिएको र आफुले त्यस्ता सिलिन्डर कम्पनीमा फिर्ता पठाएको बताए ।
स्रोत :ओनलाइन खबर
Posted by Butwalonline
on 5:44 AM. Filed under
