सुत्केरी खर्चको एक हजार रुपैयाँले अस्पतालमा सुत्केरी बढे
मुक्तिप्रसाद न्यौपाने
भदौ ८, गुल्मी
गत आर्थिक वर्षको अवधिमा ७ सय २० जना महिलाहरु गुल्मी जिल्ला अस्पतालमा सुत्केरी भएका मध्ये ५३ जना महिलाहरुको शल्यक्रिया गरिएको छ । अस्पतालमा सुत्केरी गराउँदा यातायात शर्च वापत प्राप्त हुने एक हजार रुपैयाँ दिने र सबै सेवा सुविधा निशुल्क उपलब्ध हुनाले हो भन्छन्, गुल्मी जिल्ला अस्पतालका डाक्टर एवं क्लिनिक प्रोग्राम कोडिनेशन कासीम शाह ।
साधारण उपचारका लागी पाल्पाको तानसेन बुटवलसम्म पुगेर आफ्नो स्वास्थ्य परीक्षण गर्नेहरु यतिखेर जिल्ला अस्पतालमै लाइन लागेर पालो कुरेर उपचार गराउने गर्दछन् । नेपाल सरकार स्वास्थ्य विभागले निर्धारण गरेको औषधी अस्पतालमा निशुल्क हुनु ल्याव, भिडीयो एक्सरे जस्ता सेवाहरु सहज रुपमा उपलब्ध हुन लागेपछि विरामकिो चाप बढेको हो ।
एक जिल्ला अस्पाताल, ४ प्राथमिक स्वास्थ्य केन्द्र, १२ इलाका स्वास्थ्य चौकी ६४ उपस्वास्थ्य चौकीबाट गुल्मीका जनताले स्वास्थ्य सेवा सहज रुपमा प्राप्त गर्न लागेपछि महङ्गो पैसा तिरेर नीजि स्वास्थ्य परिक्षण गर्नेहरुको संख्या अत्यन्त न्यून रुपमा रहेको छ ।
दैनिक रुपमा १० देखि २० जना त्यसैमाथि गरिब तथा विपन वर्गका रोगी तथा विरामीहरुको स्वास्थ्य परिक्षण गर्ने गुल्मी जिल्ला अस्पतालले दैनिक तीनसयभन्दा बढी रोगी तथा विरामीहरुको स्वास्थ्य परिक्षण गर्न लागेको छ ।
अस्पतालका भवन तथा भौतिक पूर्वाधारहरु पुरानै भएपनि अस्पतालबाट प्राप्त हुने सेवा सुविधा आधुनिक तथा सुविधा सम्पन्न हुनु पर्याप्त मात्रामा स्वास्थ्य प्राविधिक हुनु जस्ता कारणले गर्दा अस्पतालमा उपचार गर्न आउने रोगी तथा विरामीको संख्या बढेको हो ।
आमा र बच्चाको स्वास्थ्य अवस्थालाई ध्यान राख्दै मातृ, बाल मृत्युदर घटाउने सरकारी नीति तथा कार्यक्रम अन्तरगत जिल्ला अस्पतालमा जनरल वार्डमा १८, प्रसुति २÷२ वटा परिक्षण, ५ वटा तैयारी, २ वटा अम्वजर वेडको सुविधा भएको अस्पतालमा दैनिक १५ देखी २० जना गर्भवती महिलाहरुले आफ्नो स्वास्थ्य परिक्षण गराउने गर्दछन् ।
सुरक्षित मातृत्वको कार्यक्रम गुल्मी जिल्लामा लक्ष्यभन्दा बढीनै प्रगती भएको छ अस्पतालमा नै गएर सुत्केरी गराउनु पर्दछ भन्ने चेतनामा विकास भएका कारण महिलाहरुको संख्या बढेको हो ।
Posted by Journalist Mukti
on 11:33 AM. Filed under
About Gulmi,
News
.
You can follow any responses to this entry through the RSS 2.0.
Feel free to leave a response
