पहिरोमा परी १० वेपत्ता
रुकुम, अषाढ ३१ -
रातभर परेको अविरल वर्षाका कारण शुक्रबार बिहान रुकुमको पुर्तिमकाँडामा एक
घर पुरेपछि घरमा सुतिरहेका १० जना बेपत्ता भएका छन । जिल्ला सदरमुकाम
मुसीकोटदेखि चालिस कोष टाढाको पूर्तिमकाँडा -३ गिठाकोटमा स्थानीय उदिराम
वुढाको घर पहिरोले पुर्दा उक्त घरमा रहेका सबै
बेपत्ता भएका हुन् । शुक्रवार राति आएको पहिरोले १० जना पुरिएर बेपत्ता
भएको जिल्ला प्रहरी कार्यालयले जनाएको छ । प्रहरीका अनुसार पहिरोमा परी
बेपत्ता भएकाहरुको मृत्यु भईसकेको अनुमान छ । शुक्रवार राति करिब १ बजे
गएको पहिरोमा परी घरमा रहेका सबैजना बेपत्ता भएका हुन ।
पहिरोले पुरिएर बेपत्ता हुनेहरुमा घरधनी उदिराम वुढा, उनकी श्रीमती, छोरा
खडकबहादुर बुढा, बुहारी कवली बुढा र दुई नातीहरु रोसन र एकराज छन् ।
त्यस्तै छोरी गौनी विसी, छोरी ज्वाई रुद्रबहादुर बीसी, नातीहरु नवराज र
जीवनपनि पहिरोमा पुरिएर बेपत्ता भएका हुन ।
घटना स्थलमा प्रहरी चौकी पूर्तिककाँडा र सिम्लीबाट उद्धारटोली खटाईएको
प्रहरी नायब उपरिक्षक किसनसिंह थापाले बताए । प्रहरी घटनास्थलमा नपुगेकाले
उद्धार हुन नसकेको थापाको भनाई छ ।
Source:kantipurnews
Posted by Butwalonline
on 8:15 AM. Filed under
