माल्दिभ्सलाई ५-०ले हराउँदै नेपाली महिला टिमल सेमिफाइनलमा
श्रीलंकामा जारी खेलमा सोमबार माल्दिभ्सलाई ५-०ले हराउँदै नेपाली महिला टिमले सेमिफाइनलको यात्रा तय गरेको हो । सोमबारको खेलमा नेपालको लागि कप्तान जमुना गुरुङले तीन गोल गर्दै लगातार ह्याट्रिक गरिन् । अनु लामा र दीपा अधिकारीले एक-एक गोल गरे । नेपालले समूह चरणको तेस्रो खेलमा वुधबार अफगानिस्तानसँग खेल्नेछ ।
शनिबार समूह 'बी'मा नेपालले पहिलो खेलमा कप्तान जमुना गुरुङको चार गोल सहयोगमा पाकिस्तानलाई ८-० ले हराएको थियो । समूहकै अर्को खेलमा माल्दिभ्स र अफगानिस्तानले १-१ को बराबरी खेलेका थिए ।
दुई बर्षअघि कक्स बजार, बंगलादेशमा भएको पहिलो साफ वुमेन्स च्याम्पियनसिपमा नेपालले माल्दिभ्सलाई ६-० ले हराएको थियो । नेपाल पहिलो साफ र ११ औं दक्षिण एसियाली खेलकुदको उपविजेता हो ।समाचार कांतिपुर बाट
Posted by Butwalonline
on 5:45 PM. Filed under
