खेतमा एक किशोरको शव फेला पर्यो
सिरहा, वैशाख ३१ - गाढा ५ स्थित मनिकलाल यादवको खाली खेतमा आइतबार अपरान्ह एक किशोरको शव फेला परेको छ । उक्त शव महदेवा पोर्ताहा २ का दशैलाल महतोको १४ बर्षीय छोरा दिनेश महतोको रहेको प्रहरी निरीक्षक राजकुमार शाहीले बताए ।
मृतक महतो शुक्रबार साँझ दिसा गर्न गएको समयदेखि हराईरहेको र आज शव फेला परेको प्रहरी निरीक्षक शाहीले बताए । मृतक महतोको नाक र कानबाट रगत निस्केको र सोही कारण मृत्यु भएको हुनसक्ने उनले बताए ।
यसैबीच, इलाका प्रहरी कार्यालय महेशवारीका प्रहरी नायब निरीक्षक मित्र गुरुङ्गका अनुसार मृतक महतोले स्थानीय एक जना केटीलाई चिठ्ठी दिएको र सोही कारण शुक्रबार ११ बजे बिहान स्थानीय दशरथ यादवलगायत तीन जना ब्यक्तिले कुटपिट गरेको थियो । यादवलगायतका ब्यक्तिहरुको खोजी कार्य र घटनाको अनुसन्धान भइरहेको प्रहरी उपरीक्षक राजेशलाल कर्णले बताए ।
Posted by Butwalonline
on 6:31 PM. Filed under
