त्रिशुली नदीमा कार खस्दा ५ जनाको मृत्यु एक घाइते
तनहुँ, जेठ ३- धादिङको जोगिमारामा बुधबार राति कार दुर्घटना भई त्रिशुली नदीमा खस्दा एकै गाउँका ३ सहित ५ जनाको मृत्यु भएको छ। दुर्घटनामा परी एक जना घाइते भएका छन्। पोखराबाट काठमाण्डौ तर्फ गरेको ग १ ज ४८७४ नम्बरको कार बुधबार राती जोगिमारामा त्रिशुली नदीमा खसेको हो।
मृत्यु हुनेहरुमा धादिङ चैनपुर ८ एकै गाउँका कृष्ण ढुवाडी, रविन्द्र ढुवाडी, संजीव ढुवाडी, धादिङ बेनीघाट ५ बस्ने राजकुमार श्रेष्ठ र कास्की लेखनाथ-४ बस्ने रमेशप्रसाद दुङ्गना रहेको धादिङ प्रहरीले जनाएको छ। दुर्घटनामा धादिङ ढोला ७ बस्ने दिपक गुरुङ घाइते भएका छन्।
राती ९ बजेको समयमा कार कृष्णभीर नजिकै सडकदेखि १५० मिटर तल त्रिशुली नदीमा खसेको इलाका प्रहरी कार्यालय गजुरीका प्रहरी निरिक्षक बिनोद घिमिरेले बताए। 'कार त्रिशुली नदीभित्र खसेको थियो,' राती साढे १० बजे उनले टेलिफोनमा भने, 'कारबाट मृतकको शव झिकेर नदी किनारमा राखेका छौ।' घाइते गुरुङलाई उपचारका लागि गजुरी अस्पतालमा लगिएको छ।
समाचार नागरिक न्यूज बाट
Posted by Butwalonline
on 5:52 AM. Filed under
