नेपालद्धारा मलेसियालाई १ सय १८ रनको चुनौति प्रस्तुत
काठमाण्डौ
वैशाख ३१-एसिसी अन्डर-१६ एलिट कप क्रिकेटमा उपाधिका लागि नेपालले आयोजक मलेशिया सामू १ सय १८ रनको लक्ष्य प्रस्तुत गरेको छ । क्वालालम्पुरमा पहिले व्याटिङ थालेको नेपालले ३३ ओभरमा १ सय १७ रन जोड्दा सबै विकेट गुमायो ।
मलेशियाले केहीबेरमा जवाफी व्याटिङ थाल्नेछ । जारी प्रतियोगितामा घरेलु टोली मलेशियासँग नेपालको यो दोस्रो भिडन्त हो । यसअघि समूह चरणको अन्तिम खेलमा नेपालले मलेशियासँग १ विकेटको रोमान्चक जित हात पारेको थियो । उपाधिको दाबेदार मानिएको नेपाल प्रतियोगितामा एक मात्र अपराजित टोली हो । मलेशियासँग भएका भिडन्तमा नेपालले अहिलेसम्म हार बेहोरेको छैन ।
नेपालले एसियाली क्रिकेट काउन्सिल एसिसीले आयोजना गरेको अन्डर-१५, अन्डर-१७ र अन्डर-१९ को एलिट कप क्रिकेटकोे उपाधि जितिसकेको छ । अण्डर १६ को उपाधि जिते नेपालले उमेर समूहमा क्लिन स्वीप गर्नेछ ।
समाचार ऑनलाइन खबर बाट
Posted by Butwalonline
on 7:45 AM. Filed under
