बोक्सी आरोपमा कुटपिट
खलंगा , फाल्गुन २८ -
जाजरकोट सदरमुकाम खलंगामा एकल महिलालाई बोक्सी आरोपमा छिमेकीले कुटपिट गरेका छन् । खलंगा ४ बोहरा गाउँस्थित निमाविका कार्यालय सहयोगी २७ वषर्ीय लक्ष्मी चन्दलाई सासू नाता पर्ने पम्फा चन्दले बोक्सी आरोपमा कुटपिट गरेकी हुन् । 'साँझपख जंगलबाट गाईबाख्रा लिएर घर फर्किने क्रममा बोक्सी लाग्ने भन्दै ढुंगामुढा गरेर घाइते पारे' उनले भनिन् । चन्दका दुई स्कुले छोरीले पनि कुटपिटमा सघाएको उनले बताइन् ।
कुटपिट र दुव्र्यवहार गर्ने चम्फाविरुद्ध शुक्रबार प्रहरीमा उजुरी दिएकी छन् । सधैं बिरामी भएपछि आफूसँग चित्त नबुझ्ने जति सबैलाई बोक्सी भनेर धम्क्याउने गरेको पीडितले बताइन् । लक्ष्मीमाथि गरिएको ढुंगा प्रहारबाट उनको टाउको पछाडि भागमा गहिरो चोट लागेको छ । सेनाको नरसिंह दल गणले प्राथमिक उपचार गरी घाउमा टाँका लगाइदिएको थियो ।
Source:Kantipur News
Posted by Butwalonline
on 10:08 AM. Filed under
